Ariza bermasdan oldin: CRM qanday ochiladi
Arizani odam ko'rib chiqadi, avtomat javob ketmaydi. AbdulAziz Telegramda yozadi yoki
ko'rsatgan raqamingizga qo'ng'iroq qiladi, demo ko'rsatadi va savollaringizga javob
beradi. Kelishsak, bir ish kuni ichida firmangiz uchun alohida CRM ochiladi: xodimlarni
kiritamiz, rollarni taqsimlaymiz, Telegramni ulaymiz va blankingizni yasaymiz. Bir necha
ofisingiz bo'lsa, filiallar va bo'limlar ham o'sha kuni joylanadi, har xodim esa faqat o'z
roli ruxsat bergan narsani ko'radi. Manzil, login va parol Telegramga keladi. Birinchi
kirish ikki bosqichli — avval parol, keyin Telegramga tushgan kod; kod besh marta xato
kiritilsa o'ladi va yangisi so'raladi. Parolni o'zi tiklash yo'li umuman yo'q, yangi
parolni faqat firmangiz administratori qayta beradi. O'rnatish kunida jamoa bilan bir soat
ishlaymiz: qaysi maydon nima uchun, bitim qanday kiritiladi, otchet qayerdan olinadi. CRM
ichida 11 ta dars qoladi — har biri ikki daqiqalik video, oxirida bitta savol, o'zbek va
rus tilida; yangi kelgan xodim butun kursni taxminan 25 daqiqada ko'rib chiqadi.
750 000 so'mga nima kiradi va o'rnatish nima turadi
Oylik to'lov 750 000 so'm va unga besh foydalanuvchi kiradi: to'rt xodim va bitta
administrator. Beshinchidan keyingi har bir foydalanuvchi oyiga 150 000 so'm qo'shadi.
Sakkiz kishi ishlasa 1 200 000, o'n kishi 1 500 000, o'n besh kishi 2 250 000 so'm
chiqadi. Bitimlar, mijozlar kartochkasi, so'rovlar, vazifalar, kassa, buxgalteriya,
filiallar, otchetlar va AI — hammasi shu narx ichida, alohida hisob kelmaydi. AI uchun ham
qo'shimcha olinmaydi: chiptani o'qish, suhbatni qisqartirish, bitim kartochkasini
to'ldirish va javob qoralamasi obunaga kiradi. O'rnatish odatda bir marta 2 500 000 so'm
turadi, 2026-yil 31-dekabrgacha ariza bergan firmalarga esa bepul. O'zbekistondan tashqarida yasalgan tizimlar
rubl yoki dollarda hisoblanadi — kurs o'zgarsa to'lovingiz ham o'zgaradi; bizning
narximiz so'mda va shartnomada yozilgan. Narx keyinchalik o'zgarsa, sizga kamida 30 kun oldin xabar beriladi —
shartnomaning ikkinchi bandi shunday yozilgan.
21 kun bepul sinov CRM ochilgan kundan sanaladi
Sinov muddati 21 kun va u ariza yuborilgan kundan emas, CRM haqiqatan ochilgan kundan
sanaladi — sozlash va o'qitishga ketgan vaqt sinovdan yemaydi. O'rnatish, xodimlarni
kiritish va bir soatlik o'qitish sinov boshlanishidan oldin bajariladi, ya'ni 21 kun bo'sh
tizimga emas, ishlayotgan tizimga beriladi. Sinov davrida hamma bo'lim ochiq turadi:
bitimlar, mijozlar, so'rovlar, suhbatlar, vazifalar, kassa, buxgalteriya va otchetlar —
kesilgan variant yo'q. Shu muddat ichida obuna hisobi ketmaydi, to'lovni esa davom etishga
o'zingiz qaror qilganingizdan keyin boshlaysiz. Davom etmasangiz, baza darhol o'chmaydi:
30 kun saqlanadi va shu vaqt ichida mijozlar va savdolar ro'yxatini Excel yoki CSV qilib
so'rab olasiz, keyin o'chiriladi. To'lov kechikkanda ham ma'lumot yo'qolmaydi — kirish 10
kundan keyin to'xtatilishi mumkin, baza joyida qoladi va to'lovdan keyin bir ish kuni
ichida qaytariladi. Shartnomaning oltinchi bandi shu ikkisini aynan shunday yozadi.
Mijozlaringizni biz ko'rmaymiz: shartnomaning 3-bandi va Telegram sharti
Har bir firma o'z alohida bazasida ishlaydi: qo'shni firma sizning mijozingizni ko'rmaydi,
mijozlaringizni biz ham ko'rmaymiz. Shartnomaning uchinchi bandi buni to'g'ridan-to'g'ri
yozadi — mijozlaringiz, savdolaringiz, yozishmalaringiz va fayllaringiz firmangiz mulki;
SHEYNAZ CRM ularni o'z biznesi uchun ishlatmaydi va uchinchi shaxsga bermaydi. Texnik
xodim ma'lumotga faqat firmangiz so'raganda yoki nosozlikni tuzatish uchun qaraydi,
obunani hisoblash uchun esa faqat umumiy sanoq olinadi: foydalanuvchi soni va faollik.
Parollar pbkdf2-sha256 bilan xeshlanadi, qurilma tokeni esa HttpOnly va SameSite=Strict
qo'yiladi. Shartnoma matni saytda ochiq turadi va ariza bermasdan oldin ham to'liq
o'qiladi; shartnomaning o'zi tizim ichida tuziladi va mijoz havola orqali imzolaydi.
Telegram bo'yicha yana bir aniqlik: xodimning shaxsiy yozishmalari CRM ga tushmaydi, faqat
mijozlar bilan suhbat ko'chadi. Telegram Business imkoniyatlari uchun esa xodim akkauntida
Telegram Premium bo'lishi kerak va botni firmangiz o'zi yaratib, tokenni o'zida saqlaydi.
Qolgan savolni AbdulAzizdan so'rang: +998 99 993 33 38 yoki Telegram @abdulazizturist. ↑ Ariza formasiga qaytish
